ValaMed var stofnað árið 2007 í þeim tilgangi að þróa lyfjanæmispróf krabbameinslyfja og athuga notkunarmöguleika þeirra á Íslandi. Finnbogi R. Þormóðsson, doktor í taugalíffræði, fer með yfirumsjón rannsókna og krabbameinssýnin eru unnin í samstarfi við skurð- og krabbameinslækna á Landspítalanum.

Athygli ValaMed beinist aðallega að svokölluðum ATP-lúsiferasa lyfjanæmisprófum. Slík próf byggja á því að mæla lífvænleika krabbameinsfrumna eftir meðhöndlun með krabbameinslyfjum. ATP-lúsiferasa lyfjanæmispróf sýna hvernig frumur bregðast við áhrifum krabbameinslyfa og geta gefið læknum viðbótarupplýsingar um krabbamein hvers sjúklings.

ATP-lúsíferasa lyfjanæmispróf voru kynnt á ráðstefnu Læknadeildar Háskóla Íslands og ágrip birt í Læknablaðinu (sjá V-127 http://www.laeknabladid.is/fylgirit/fylgirit-58/veggspjold/).

Nýlega hefur verið birt grein um mögulegan efnahagslegan ávinning lyfjanæmisprófa http://www.ncbi.nlm.nih.gov/pubmed/20417480